Այս տարվա հոկտեմբերի 11-13-ը Երևանում անցկացվում է միջազգային գիտաբժշկական կոնգրես: Կոնգրեսի կազմակերպումն արդեն ավանդույթ է դարձել. այն անցկացվում է ամեն տարի և կրում է «Մարդը և առողջությունը» անվանումը: Կոնգրեսին մասնակցություն են ցուցաբերում բժշկության բոլոր ոլորտների ներկայացուցիչները՝ ներկայացնելով իրենց ունեցած ձեռքբերումները: Այն ուղեկցվում է դեղերի և նոր բժշկական տեխնոլոգիաների ցուցահանդեսով և զեկույցների ներկայացմամբ:

ՍԲ Աստվածամայր ԲԿ-ի Միջազգային ծրագրերի և զարգացման գծով տնօրենի օգնական Արուսյակ Խաչատրյանը, ով նույնպես այսօր հանդես եկավ զեկույցով, նշում է, որ նման գիտաժողովները կարևորվում են նախ իրենց տեղեկատվական բնույթով, ինչպես նաև գործնական կապեր հաստատելու առումով: Նրա ներկայացմամբ՝ ՍԲ Աստվածամայր ԲԿ-ն ներկայացրել է 4 զեկույց՝ նախ երիկամների և միզուղիների ախտահարման մասին, ինչը հանդիպում է ԲԿ-ի հիվանդների ընդհանուր թվի 8%-ի մոտ: Իսկ դա, ըստ Արուսյակ Խաչատրյանի,  բավականին մեծ քանակ է, և նման ախտորոշումներով հիվանդները հատուկ ուշադրության կարիք են զգում:

 ՍԲ Աստվածամայր ԲԿ-ի կողմից ներկայացվել են նաև հայրենական գիտնականների և արտադրողների արտադրանքի՝ «Բիֆինար» կաթնամթերքի վերաբերյալ ԲԿ-ի հետազոտությունների տվյալները: Զեկույցներ են եղել նաև ԲԿ-ի քիթ-կոկորդ-ականջ բաժնի կողմից՝ քիթ-կոկորդի շրջանում կատարվող էնդոսկոպիկ վիրահատությունների և դրանց դրական կողմերի մասին: Զեկույցներից մեկում ներկայացվել են նաև կատարվող հետազոտությունների ժամանակ համակարգչային տոմոգրաֆիայի կիրառման առանձնահատկությունները:
MEDINFORM 13.10.2006

Սուրբ Աստվածամայր ԲԿ-ի (“Surb Astvatcamayr” Medical Center) հոկտեմբեր ամսվա 1-10-ի տվյալներով՝ ԲԿ դիմել է 203 հիվանդ, որից հոսպիտալացվել է 148-ը, շտապ օգնության բերած դեպքերը եղել են 15-ը, որից 1-ը՝ Կոտայքից: Դիմել և ԲԿ-ում պառկելուց հրաժարվել է 1 հիվանդ:
 

MEDINFORM 11.10.2006

Այսօր Սուրբ Աստվածամայր ԲԿ-ում (“Surb Astvatcamayr” Medical Center) տեղի ունեցավ շտապ օգնության մի նոր մեքենայի հանձնման հանդիսավոր արարողություն, որին իր մասնակցությունն էր բերել նաև Երևանի քաղաքապետ Երվանդ Զախարյանը:
Սուրբ Աստվածամայր ԲԿ-ի գլխավոր տնօրեն Նիկոլայ Դալլաքյանի խոսքերով՝ արդեն 14 տարուց ի վեր գերմանական մի փոքրիկ քաղաքի՝ Նոյենհաուսի և նրա շրջակայքի ևս 2 փոքր քաղաքների բնակիչները կազմակերպում են մարդասիրական ակցիա՝ օգնելով Հայաստանի բնակչությանը: Այս մեքենան նույնպես հատկացվել է այդ ակցիայի շրջանակներում:

 Շտապօգնության նոր մեքենան կահավորված է վերակենդանացման ժամանակ անհրաժեշտ բոլոր սարքավորումներով և համապատասխանում է գերմանական բոլոր չափանիշերին: Ակնկալվում է, որ այն հնարավորություն կտա հանրապետության տարբեր շրջաններից և նաև քաղաքի տարբեր հիվանդանոցներից ծանր վիճակում գտնվող հիվանդներին տեղափոխել ՍԲ Աստվածամայր ԲԿ, իսկ տեղափոխման անհրաժեշտությունը պայմանավորված է նրանով, որ մի շարք մասնագիտական ուղղություններով այս ԲԿ-ն, որպես այդպիսին, միակն է Հայաստանում: «Միայն այստեղ է կատարվում մանկական նեյրովիրաբուժություն, թոքային վիրաբուժություն, մանկական պաթոլոգիայի հետ կապված  մի շարք խնդիրներ միայն այստեղ են լուծում գտնում, այնինչ հաճախ ծանր վիճակում գտնվողներին տեղափոխելու ժամանակ շատ դժվարություններ են առաջանում, քանի որ մեր շտապ օգնության մեքենաները պատշաճ վիճակում չեն գտնվում և չունեն համապատասխան սարքավորումներ՝ նման հիվանդներին տեղափոխելու համար»,-նշում է Նիկոլայ Դալլաքյանը:

 Վերջինիս խոսքերով՝ հայ-գերմանական համագործակցությունը սկսվել է ՍԲ Աստվածամայր ԲԿ-ի կազմի մեջ մտած Շտապ օգնության մանկական հիվանդանոցի հետ և շարունակվում է մինչ օրս: Առաջին անգամ գերմանացիները նման օգնությամբ հանդես էին եկել այն ժամանակ, երբ Հայաստանը գտնվում էր խիստ ծանր սոցիալ-տնտեսական պայմաններում: Տարիներ շարունակ տրամադրվող օգնությունը եղել է հիմնականում դեղորայքի և տարբեր սարքավորումների տեսքով, բացի այդ՝ ժամանակ առ ժամանակ հայ բժիշկների համար կազմակերպվել են վերապատրաստման ծրագրեր: Պետք է նշել, որ նույն մարդասիրական ակցայի շրջանակներում Հայաստանում ներկայումս իրականացնում են նաև մի շարք այլ ծրագրեր՝ նպատակ ունենալով հովանավորել սոցիալապես անապահով ընտանիքների:

 Ի դեպ՝ մեքենան բերվել էր 7 հոգուց կազմված պատվիրակության կողմից, որի ղեկավարը Նոյենհաուս քաղաքի քաղաքապետ Յոհան Արենդսն էր: Պատվիրակության անդամներն այն բերել էին ցամաքային ճանապարհներով՝ անցնելով շուրջ 5 000 կմ: Գերմանացի բարեկամների հետ հանդիպումն անցավ ջերմ մթնոլորտում:

Ըստ Նիկոլայ Դալլաքյանի՝ այն փաստը, որ արդեն այսքան տարի մեր երկրների միջև համագործակցություն կա, հավաստում է, որ այն կլինի շարունակական:
MEDINFORM 26. 09. 2006

 

Սուրբ Աստվածամայր ԲԿ-ի (“Surb Astvatcamayr” Medical Center) սեպտեմբեր ամսվա 10-20-ի տվյալներով՝ շտապ օգնության բաժանմունք դիմել է 203 հիվանդ, ընդունվել է 148-ը, որից 5-ը՝ մարզերից: Դիմել և ԲԿ-ում պառկելուց հրաժարվել է 1 հիվանդ:

MEDINFORM 27.09.2006

 

Այս տարվա հուլիս և օգոստոս ամիսների տվյալներով՝ Սուրբ Աստվածամայր ԲԿ-ի (“Surb Astvatcamayr” Medical Center) ընդհանուր դիմողների թիվն օգոստոսին աճել է՝ 418-ից աճելով 447-ի, այդ թվում համապատասխանաբար 112-ը և 99-ը մարզերից: Դուրս գրված հիվանդների թիվը հուլիսին կազմում է 438, մահճակալ/օրերինը՝ 3 952, օգոստոսին՝ համապատասխանաբար  434 և 3 743: Վիրահատությունների թիվը հուլիսին՝ կազմում է 108,  օգոստոսին՝ 89, բրոնխոսկոպիկ հիվանդությունների թիվը՝ 17 / 8, մահվան դեպքերը՝  6 / 12-ն են: 

 
MEDINFORM 15.09.2006

Սուրբ Աստվածամայր ԲԿ-ի (“Surb Astvatcamayr” Medical Center) մայիս ամսվա տվյալներով՝ շտապ օգնության բաժանմունքում գրանցվել է 184 հիվանդ, ընդունվել է 122-ը, որից 10-ը՝ մարզերից: Դիմել և ԲԿ-ում պառկելուց հրաժարվել է 2 հիվանդ: