|
| ՄԵՐ ՄԱՍԻՆ |
|
 «Սուրբ Աստվածամայր» ԲԿ-ն Երևանի խոշորագույն բուժմիավորումներից է և ցուցաբերում է բարձրորակ բժշկական օգնություն ոչ միայն մայրաքաղաքի, այլև ողջ երկրի բնակչությանը: Բուժկենտրոնը ստեղծվել է 2004թ. Հայաստանում առողջապահության համակարգի բարեփոխման ծրագրով: Վերջինիս նպատակն է բնակչությանը մատչելի դարձնել բժշկական ծառայությունը:
«Սուրբ Աստվածամայր» ԲԿ-ն ներառում է ծննդատունը, երեք համաբուժարան, երեխաների և մեծահասակների հիվանդանոցը:
Բժշկական ոլորտում նշանակալից նվաճումների համար 2008թ. նոյեմբերին «Սուրբ Աստվածամայր» ԲԿ-ին շնորհվել է Հայաստանի առևտրաարդյունաբերական պալատի «Մերկուրի» մրցանակը:
Կենտրոնի խնդիրն է բավարարել բնակչության առողջապահական կարիքները, բարձրորակ բուժօգնություն տրամադրելու գործում լինել առաջատար` կիրառելով առողջապահական ոլորտի վերջին նվաճումները, օժանդակելով երիտասարդ մասնագետների պատրաստման գործին: Բացի այդ, նպատակ է դրված բարձրացնել բուժաշխատողի հեղինակությունը հանրության շրջանում` արհեստավարժ և պարտաճանաչ ձևով մատուցելով արդյունավետ բուժօգնություն:
ԲԿ-ի գործունեության ոլորտներն են` կանանց կոնսուլտացիա, մանկաբարձություն-գինեկոլոգիա, նորածինների պաթոլոգիա, ընդհանուր մանկաբուժություն, մանկական գաստրոէնտերոլոգիա, մանկական նյարդաբանություն, մեծահասակների նյարդաբանություն, վերակենդանացում և ինտենսիվ թերապիա, մանկական նյարդավիրաբուժություն, մանկական և մեծահասակների վնասվածքաբանություն և օրթոպեդիա, մանկական վիրաբուժություն, նորածինների վիրաբուժություն, մանկական թորակալ վիրաբուժություն, մանկական դիմածնոտային վիրաբուժություն, էնդոսկոպիական վիրաբուժություն, քիթ-կոկորդ-ականջի հիվանդություններ, ընդհանուր վիրաբուժություն, անեսթեզիոլոգիա, ախտորոշիչ ծառայություն (ընդհանուր կլինիկական, մանրէաբանական, կենսաքիմիական, իմունաքիմիական լաբորատորիաներ, ուլտրաձայնային, ռենտգենաբանական, ներառյալ համակարգչային տոմոգրաֆիա, էնդոսկոպիական (էզոֆագոգաստրոդուոդենոսկոպիա, կոլոնոսկոպիա, հիստերոսկոպիա) ախտորոշում): |
Տնօրեն` Նիկոլայ Դալլաքյան
Երևանի գլխավոր մանկական վիրաբույժ,
ԵՊԲՀ թիվ 1 մանկաբուժության և
մանկական վիրաբուժության ամբիոնի դոցենտ, բ.գ.թ. |
| |
| Մանուկների և մեծահասակների հիվանդանոց |
Հիմնադրվել է 1982թ., մանկական մահճակալների թվով ամենամեծն է Հայաստանում: 2004թ.-ից այստեղ գործում է նաև մեծահասակների առկա բուժծառայություն:
Հիվանդանոցում գործում են հետևյալ բաժանմունքները.
ընդհանուր մանկաբուժական,
մանկական գաստրոէնտերոլոգիայի կենտրոն,
մանկական նյարդաբանական,
թերապիայի և նյարդաբանության,
վերականգնողական և ֆիզիոթերապիայի,
մանկական նյարդավիրաբուժության,
վնասվածքաբանության և օրթոպեդիայի,
մանկական և նորածնային վիրաբուժության,
մանկական թոքային վիրաբուժության,
մանկական դիմածնոտային վիրաբուժության,
Էնդոսկոպիական վիրաբուժության,
քիթ-կոկորդ-ականջի,
ընդհանուր վիրաբուժության բաժանմունք,
անզգայացման և վիրահատական բլոկ,
ախտորոշման բլոկ (ընդհանուր կլինիկական, կենսաքիմիական, իմունաքիմիական լաբորատորիա, ճառագայթային և գործիքային ախտորոշում (duplex, triplex), էնդոսկոպիական ախտորոշում, գերձայնային հետազոտություն): |
| Համաբուժարաններ |
| «Սուրբ Աստվածամայր» ԲԿ-ի համաբուժարաններն սպասարկում են մայրաքաղաքի հարավ-արևելքում բնակվող 72.000 մեծահասակների և 22.000 երեխաների: Այդ բուժհաստատություններն ապահովում են ամբուլատոր-դիսպանսեր հսկողության և բուժման, կանխարգելիչ, սանէպիդ միջոցառումների և սանլուսավորչական աշխատանքների ամբողջական ծավալ: Ընդունելություններ են կատարվում նեղ մասնագետների կողմից (թերապևտ, սրտաբան, վարակաբան, քիթ-կոկորդ-ականջաբան, գինեկոլոգ, ուռոլոգ, վիրաբույժ, ատամնաբույժ, օնկոլոգ, մաշկաբան-վեներոլոգ, նևրոպաթոլոգ և այլն): Գործում են լաբորատոր ծառայություն, ԷԿԳ-ի, ռենտգենի, ֆլուորոգրաֆիայի կաբինետներ: Վերակագնողական բուժում է անցկացվում ֆիզիոթերապիայի, բուժմերսման և բուժֆիզկուլտուրայի կաբինետներում: |
|
|
|
